بطل قهر النار

بقلم – كريم الشربيني

برغم من الازدحام الشديد من الأحداث الداخلية والخارجية المرهون بها آمال وأحلام البسطاء من أبناء الشعب العريق؛ إلا أن بيئة أرض الكنانة تأبا يوميتها مغادرة ربيع الشهامة والجدعنة، لتكتب فى دفاترها الإنسانية الفريدة عن القصص و الحكايات التى تعلن كل صباح “هنا الهرم”

وهرم اليوم لم تذكره أى منصة إعلامية .. وإليكم قصة عم عادل إبن ال ٤١سنة، إبن صعيد مصر ، من قرية سلامون – مركز طما بـ سوهاج . راجل طيب وبسيط ، ظروفه مخلتوش يلاقي شغلانة ثابتة يأمن بيها مستقبله ومستقبل أولاده الأربعة، لكن رغم كده مرضيش يمد إيده لحد، واشتغل حارس عقار باليومية علشان يقدر يعيش ويستر بيته بالحلال .

عم عادل متعود كل يوم يقوم يصلي الفجر في المسجد، لكن قبل وقفة العيد بيوم اتأخر شوية وخرج بعد الإقامة. وهى من حكمة القدر فلله فى خلقه شؤون  وهنا تفند اللحظات الغارقه كانت اللحظة اللي غيرت من كل حاجة

سبحان الله العظيم، وكأن ربنا اختص عم عادل بمهمة هي الأعظم على الإطلاق.

وهو في طريقه سمع صراخ واستغاثات جاية من مطعم أسمه “زين السوري” في الشارع اللي قبل المسجد ، جرى يشوف فيه إيه، فلقى المطعم ماسكة فيه النار بسبب تسريب غاز ، والمشهد كان مهيب ومرعب لدرجة تخوف أي حد من مجرد الاقتراب

لكن عم عادل، أول ما سمع الصراخ، صعب عليه أصوات الناس اللي جوه، ومترددش ثانية واحدة ، اقتحم المكان المشتعل، ولما دخل لقى ستة عمال شباب النار ماسكة في وشوشهم وشعرهم وهدومهم، وحياتهم كانت على وشك تنتهي أسوء نهاية .. أول مادخل شاف طفاية حريق قدامه، وبرغم إنها كانت سخنة زي الجمر من شدة الحرارة، مسكها وأيديه الإتنين بيتحرقوا

وتحامل علي نفسه الألم وأبتدي يطفي في العمال ويبعدهم عن النار وهو بينادي: “مين جوه؟ حد لسه جوه؟” كان كل ما يتعمق أكتر وسط النار والدخان ورجليه بتتـ ـحرق من شدة سخونة الأرض , بس مش علي لسانه غير “يارب خليك معايا ” ، وكل ما يلاقي عامل يمسكه ويزقه لـ بره

لحد ما فضل عامل واحد فقط، وكان بيحاول يخرج أسطوانات الغاز لوحده ، دخل عم عادل يساعده ومخافش، وقدروا يخرجوا 4 أسطوانات غاز خارج العقار قبل ما تنفـ.ـجر وتقع كـ.ـارثة كانت ممكن تحصد أرواح أكتر , علشان فالنهاية يوصل الدفاع المدني ويخمد الحـ ـريق بدون أي خـ.ـسائر في الأرواح

لكن برغم أن عم عادل خرج من قلب النار حيًا، لكن جسده دفع الثمن…

مكملش كام ثانية وأغمي عليه ووقع عالأرض مغشى عليه  وتم نقله للمستشفي مع المصابين , الأطباء شخصوا حالته بحـ.ـروق من الدرجة الثانية في أطرافه وأجزاء من جسده، مع إنهاك شديد أصاب عضلاته وأعضاءه من شدة الحرارة التي تعرض لها ,وحتى الآن يخضع للعلاج اليومي وتغيير الضمادات على جـ.ـروحه وسط معاناة كبيرة وكله من نفقته الخاصة و عائلته

ورغم كل ذلك، فإن الرجل ما زال على قيد الحياة، هو والعمال الستة الي كانوا معه، في نجاة يراها كثيرون معجزة حقيقية بعد اللي تعرضوا له إلى هنا الحدث موقف اندفاعى يحمل صبغة الشهامة
ولما فاق هنا تفتح دفاتر  لاستقبال عطر بلاد الكنانة  وسألوه”ياعادل , لو كنت تعرف إنك هتتصاب الإصابات دي كلها… كنت هتتردد قبل ما تدخل؟”

كان رده عظيمًا بكل ما تحمله الكلمة من معنى ، قال:

“أنا أول ما شفت النار كنت متأكد إني ممكن أتصاب، وممكن أمـ ..ـوت كمان .. لكن أنا مفكرتش غير في الناس اللي كانت بتصرخ وكنت مستعد أضحي بنفسي علشانهم ، حسيت جسمي بيتحرك لوحده، وكأن ربنا بيقولي: أنا معاك ، متخافش ”

الراجل اللي شايفينه قدامكم ده نموذج نادر للشجاعة والرجولة والإيثار

عم عادل خاطر بحياته علشان ينقذ ناس ميعرفهمش، ومنع كـ.ـارثة وفاجـ.ـعة كبيرة كانت هتخيم بالحزن علي ٦ عائلات بل وقد يكون  أكتر ، عم عادل يستحق بجدارة احترام وتقدير كل إنسان رحيم وشريف
وده أقل واجب تجاهه إن يتم تكريمه تكريمًا يليق باللي عمله، وإن تتوفر له وظيفة كريمة ومستقرة تليق بأخلاقه وشهامته وإنسانيته ، ربنا يتم شفاء عم عادل على خير، ويشفي جميع المصابين في الحادث…
و لأن الأبطال الحقيقيين مش دايمًا بيكونوا مشهورين ، لكن أفعالهم بتفضل أكبر وأعظم من أي شهرة