كشفت الفنانة مديحة حمدي كواليس تعاملها مع عدد من كبار نجوم الفن، وفي مقدمتهم الفنان الراحل نور الشريف، والفنان الراحل صلاح السعدني، إلى جانب الفنانين الراحلين أشرف عبد الغفور ومحمود المليجي، مشيدة بالتزامهم واحترامهم للعمل وحرصهم على تقديم أفضل ما لديهم.
وقالت خلال لقائها مع الإعلامية نهال طايل في برنامج «تفاصيل» المذاع على قناة «صدى البلد2»: «كان الفنان نور الشريف يحب نعمل البروفة وإحنا بملابسنا وكان بيسبق الجميع في البروفات، مش ندخل نغير وبعدين نروح البروفة، لا كان بيحب يشوف شكل كل واحد إيه الأول».
وأضافت: «نورالشريف، وفاتن حمامة كانوا ملتزمين، هما النجوم الكبار كلهم ملتزمين وبيحترموا اللي حواليهم، وصلاح السعدني بعتبره أخويا اللي مش من رحم أمي وقعدنا كتير في الغربة أيام الثلاثية وسافرنا كتير».
وأوضحت:«سافرت مع صلاح السعدني دبي واليونان، هو مكنش بيكون ليه دعوة ولا بباسبور ولا بفلوس ولا زوجته كانت بتقولي: خلي بالك ومكنش بياخد معاه سكريبتات، لأن هو وأشرف عبدالغفور ومحمود المليجي كانت عندهم ذاكرة فوتوغرافية».
