كشف الإعلامي مصطفى بكري تفاصيل بيان وزارة الخارجية بشأن الإفراج عن 8 بحارة مصريين بعد احتجازهم في أثناء وجودهم على متن سفينة قبالة سواحل إقليم بونتلاند في الصومال.
وأضاف بكري خلال برنامج «حقائق وأسرار» على قناة «صدى البلد»: «الدولة تابعت القضية وتحركت عبر اتصالات ومفاوضات حتى تكللت الجهود بالنجاح، منذ الاختطاف يوم 2 مايو 2026».
وأضاف: «151 يوما من الانتظار والقلق، ومن الأسئلة اللي كانت بتدور في عقول أهالي البحارة، إيه اللي حصل، وإمتى يرجعوا؟ وهل هيرجعوا سالمين إلى ذويهم؟».
وأوضح: «الدبلوماسية مش معناها إن الدولة تتكلم فقط، الدبلوماسية أحيانا معناها مفاوضات طويلة، واتصالات متواصلة، وتحرك بعيد عن الأضواء، خصوصًا لما يكون الأمر متعلق بحياة مواطنين مصريين وبسلامتهم وعودتهم إلى أسرهم».
واختتم بكري: «خبر الإفراج عن البحارة الـ8 مش مجرد خبر عابر، ده خبر يتعلق بمواطنين مصريين، ووراء كل واحد منهم أسرة كانت مستنية لحظة العودة، والنهارده، اللحظة دي وصلت».
